ډاکټر   یاسین زی

ماشومه ژاړه مه

اوښکی وچی کړه ماشومه ژاړه مه
څوک دی اوری  فریادونه ژاړه مه
ستاتنکی تنکی ژړاکی څه اثردی
چه په زړه خورمه داغونه ژاړه مه
لمن چیری دستمال نه لرمه جب کی
په څه دی اوښکی وچومه ژاړه مه
یازه ومه وسی یا تا درلودو پلار
کړه به هلته تاخوبونه ژاړه مه
لږه لاره ورته پریږده غوڅ دی نه کړی
کبریا ږدی قد مونه ژا ړه مه
په دنیاکی داسی شته ګیله من نشی
چاته چو نګړه چاته محلونه ژاړه مه

ډاکټر یاسین زی

کوهاټ  غلام بانډه