دوې  بني

د لوی  شاپو  ،  ځين کړي    أس   ،  د  څرمني  د  لوی  کوټ  او  دوو  کلنګي  توپنچوو  سره  مي  د ژوند  اړيکه  ده . د  نړۍ  خلګ  راته  کاوبای  وايي  . حريف  مي  تر  پوزي  پورته  راته   نسي   کولای  ، څو  څو  ځلي  مي  حريفانو  ازمويلی  يم  .    د  لاس  چټک  حرکت   مي   د  حريف  د  تندي  او  سترګو څخه  الهام   اخلي  .  په  نړيوالو  جګړو  او  سم سمکۍ  کي  تر  همزولو  لاس  بری  يم  .

 يارانو  مي  د  پښو  په  ترپهار  دښمنان  تر  هديري  رسولي  دي  .  اجدادو  مي  د نړۍ  لويديځ   ، سهيل   ، ختيځ  ، ليري  ختيځ   ،  منځني  ختيځ  ،  لنډه  دا  چي  سره  پوستي  ،  سپين  پوستي  ،  تور پوستي  ،  پيت  پوزي  ،  جګپوزي   ،  جګ  قدي  ،  ټيټ  قدي  ټول  د  خپل  هنر  په  رمز  پوه  کړي  او  د  ګړندي  حرکت  له  ښيګڼو  او  پايلو  څخه  پوهيږي  .

 نيکه ګانو  مي  د   ډيرو  ډارونو  سره  زور  نه  معلوماوه  بس  د  واده  په  کولو   به  يي  بسنه  کول  .  په  واده  سوی  کورنۍ  کي  به  کله  ناکله  د  خيښانو  د  بي اتفاقۍ  له  وجهي  څه  تکليفونه  پيښيدل  خو  زموږ  د  نښي  ويشتولو  هنر ، ټول  ګوته  په  غاښ  کښينولي  وه  .

  زمانه  بدله  سوه  ،  پخوا  به  زموږ  لپاره  د مرکی   او  قاصد  اړتيا  نه  ليده کيده  ، نه به  په  هغی  کورنۍ  کي  وړ  کس  په  ګوته  کيده ،  نه به  مشوره  پر  کيدل  نه  هم  د  نظر  يوالي   ته  ضرورت   وو   بس  هر  څه  چي  راتلل   ،  ښه  راتلل   او   هر  څه  چي  کيدل   ،  ښه  کيدل   .

 له  اجدادو  مي   کيسی  اوريدلي  وی  چي  د  قاف  غره  ته  نږدې  ښاپيريو  وريښمينه  لار  جوړه  کړی  وه  چي  دا  لار  د  ښکلو  وطنونو  پر   سر  وه  .  پر   دې  لار  د  يوه  وطن  نوم  چي  په نکلونو او  کيسو  کي  ډير  ياديدۍ  او  ويل  به  يي  چي خلګ  يي  کټ مټ  زموږ  په  شان    او  لا  تر  موږ  ميړني  دي  .   هيچا  ته  يي   تن   نه  دۍ   ورکړۍ   .  سکندر  ،  مغول   ،  او  سره  ماڼۍ   يي  په  ځان  پوري   حيران  کړې   وه  .

  خو  اوس  ... هو  ، اوس  يي  پر  قسمت  بلاګانو  خيمه  وهلې  ،  زمري  ته  ګيدړ  وايي  او  ګيدړ  ته  زمری  وايي  .  ځکه  خو  يي   زمرو  زما    يوه  اکټ   ته  ځان  ټينګ  نه  کۍ  .

 هدف  ته   د  رسيدو  لپاره  مي  ځان  هم   لږ  خوږ  کۍ  . خو  کله  چي  مي  لاسونه  د  تفنګچو  تر  قنداغونو  د  يو  چټک  حرکت   د  اجرا  لپاره  ورسيدل   او   د  شپيلۍ   اوږد  ويرونکي   ساز   مي  احساسات  وپارول  ،    شهزاده  چالز   خو مي  د  سرو  سترګو  او  ببري   لکۍ   په  ليدو   خپله  مړوښې  راته   په  نکاح  کړه  او  راته  يي  وويل  ((  نکاح قبول  حی )) ،  چي   لا تر اوسه  زما  د  ((  ها  ها  )) انتظار  باسي   .

 په  ډير  کم  ولور  خو  لويوو  او  شانداره  مراسمو  کي  مي  د  زمرو  په  وطن  کي  خيښی   تر  سره   سوه  . اوس  اوس  دا  دوي  بني  په  يوه  کور  کي   ژوند  کول  نه  غواړي  .  يوه يي  د اغزن  ديوال  شاته   غواړي  ما  خوښ  وساتي  ،  بله  د  ديوالونو  شاته  د پټ پټاني  مخالفه  ا و د  ټولو  ديولونو  ړنګول  غواړي  . يوه  زما  نه  ډيره  ډاريږي  ،  په  ساعت  لس  سلامۍ  وهي  خو  دا  بله  په  سترګکونو  کي  د  ها  بلي  د  سلامۍ  وجهي  او  د  بل  يار  سره   د  لاس  لرلو  پټ او کرغيړن  راتلونکۍ   ښيي  .

  زه  پوهيږم  چي  څوک  ملامت  او  څوک  سلامت  دي  .  په  دی  مي  هم  سر  خلاص  دۍ  چي  ديوي    بيچاره په  کور  کي  د  بي اتفاقۍ  له  وجهي    د  ها بلي  تبر  لاستۍ  پيدا  کړۍ  دۍ  .  خو  زه  مجبور يم  د خپلي  کورنۍ  پرنسيب  وساتم  .

  وايي  يو  چا  په  سپيره  دښت  کي  خيمه  وهلي  وه   د  يوه  رباب  او  شهباز  سره  يي  د  ژوند  خوږې  او  ترخې  تيرولې  .  يوه  ورځ  د  يوه  لاروي  پر  همدې  لاري  سر  سو  ،  په  خيمه  کي  د  ناست  سړي  په  رباب  کي  د  سوز  او ساز  نه  ډکو  نغمو  جذب  کړ   ،  ورته   کښيناست   ،  هوښ  او  خيال  يي  ځني  يوړ ،  له  درنګو  شيبو  وروسته  ربابي  سر  راپورته  کړ  ويي  ليدل  چي  لاروې  يي  سوز  او  ساز  ته  غوږ  غوږ  دۍ  .  ورته  ويي  ويل  :  په  خير وروره  ؟  لاروي  بيله  درنګه  د  ربابي   د  حکمت  نه  د  ډکو  ګوتو  د  رباب  دسور  او  شهباز  د جادو نه  وپوښتل  . دا  نعمت  خدای  تاته  د کومي  ښيګڼي  په  بدل  کي  درکړۍ  دۍ ؟ ربابي  بيله  دې  نه  چي  پوښتنه  ځواب  کړي  ويي  پوښتل .  واده  دي  کړۍ  دۍ  ؟  لاروي  وويل  هو  .  ربابي  ورته  د  دوهم  واده کوولو  فرمايش  ورکړ  .  لاروۍ چي  د  ربابي  او  رباب  نه  ډير  متأثر  سوئ  وو سمدلاسه  ولاړ  او  دوهم  واده  يي  وکړ  .  يوه  اونۍ  يي  نه  وه  تيره  سوې  چي  خيمه يي  د  ربابي  د  خيمې  ګاونډۍ  سوه .

 اوس  بيرږم  چي  سپينه  ماڼۍ  مي د  سرې  ماڼۍ  ګاونډۍ نه  سي  .

حاجي  امين  باوري

بلجيم