دټولني بنسټ ايښونکی : محمد جان باوري             تاسيس : دکب مياشت ١٣٦٩ کابل، افغانستان               د افغانانو لپاره تاريخي ، کلتوري او پوهنيزي ليکني           


   
 
 
د ښاغلي کټوازي څو شعرونه

د؛پريشانه ولولې؛ ټولګي څخه غوره شوۍ شعر

 

راووت

 

بلبل چي په سلګيو کي له غم سره راووت

خاټول ورته د اوښکو له شبنم سره راووت

 

طبيب زموږ رنځونه رسوي د ناسور ټک ته

ټپونو ته  د مالګي  له ملهم  سره   راووت

 

رهبر   د  څو  کلو نو  د تو بو  په  يا د ولو

له روبل ، له ډالر او له درهم سره راووت

 

سر تاج د پيغورونو يې چي فخر د ګناه شو

په تورو کجاوو کي  له ماتم سره راووت

 

لاسونه يې سره کړي دي زموږ د زړه په وينو

دښمن ته په تسليم کي له قسم سره راووت

 

په؛ خيال ؛ باندي ټاپه د کفر هله لګيدلې

ميدان ته چي له توري او قلم سره راووت

 

خيال محمد کټوازۍ

د څرخې زندان

 

 

 

د؛پريشانه ولولې؛ ټولګي څخه غوره شوۍ شعر

  

پيغام

 

يو زيرۍ په ماوشو چي جانان به راشي بيا

د ميني  له توښې سره خندان به  راشي  بيا

 

پيفام  را  رسيدلۍ  د مزل    له   مسا فر  و

د ښکلي معشوقې سره کاروان به راشي بيا

 

موسم د عاشقۍ به مي له سره پسرلۍ شي

يو ګل  د اميدونو  ارمغان  به   راشي   بيا

 

دا بلنده  ډيوه  زما  دميني چي  لګيږي

د يار دپيوستون سره زمان به راشي بيا

 

پايان  د انتظار به شي  د لاري  د څارلو

د ژوند په هوسونو کي توپان به راشي بيا

 

نغمې  د خوشاليو  به  په کلي  کي  غږيږي

له ؛ خيال ؛ سره د ميني امتحان به راشي بيا

 

خيال محمد کټوازۍ

 

 

  

بېرته شاته

Webmaster[at]Salaamtolana.orgDesign by: Benawa Network Copyright © SalaamTolana.org 2006