توریزم او ترانسپورت
توریزم او مځکنی ترانسپورت
د توریستی چوپړ په لړ کی ترانسپورت ډیر ارزښتمن او کلیدی موقف لری . تراسپورتی خدمات د توریستی بهیر لپاره ځکه مهم دی چی د توریستی سیمو د لیدلو شونتیاوی برابروی . په هر پیمانه چی ترانسپورتی تسهیلات زیات او دلږ مصرف سره وی ، په هغه پیمانه د تورستانو لپاره د پاملرنی وړ ګرځی . د ترانسپورت او لیږد وسایط ،وسایل او شونتیاوی په بیلا بیلو کټه ګوریو کی پیژندلای سو خو دوې مهمی برخی یی هوایی او مڅکنی ترانسپورت دی . په دې بحث کی د مڅکنی ترانسپورت یوه خورا مهمه کټه ګوری چی موټر او ټرین دی یوه بیلګه په لنډه توګه معرفی کوو. دا ترانسپورتی شرکت په سویدن هیواد کی د توریستانو لپاره یو فعال شرکت دی .
د لینس ترافیکین کرونو بیرخ ( Länstrafiken Kronoberg )
په بس او ترین کی سفر وکړی
د دې ترانسپورت څخه د ګټی اخستنی لپاره زیات مالومات د همدې ترانسپورت د بریښنا پاڼی څخه تر لاسه کولای سی. د بریښنا پاڼی پته ( ( www.lanstrafikenkron.se په دې بریښنا پاڼه کی د هغو وسایلو د پلورلواعلانات هم سته چی ستاسودسفر لپاره په کاریږی. د بیلګی به توګه دموبی ټایم ( MobiTime)وسیله چی د سفر په اړه زیات مالومات خپل ټلیفون ته کښته کولای سی. د بیلګی په توګه سفرونه او د سفر د لارو په اړه مالومات ، د سفر په منځ کی د تم ځایونو په اړه مالومات د ټکیټ پلورلو او داسی نورو مالوماتو لپاره د موبی ټایم وسیلې څخه ګټه اخستلای سی.موبی ټایم باید راجستر کړی . تاسو کولای سی چی یو متن و لیکی او هغه بیا د تلیفون دې ( ۰۰۳۱۴۵۶۴۰۴۴۵۵ ) شمیرې ته ولیږی او هغوی به تاسو ته یو تړاو ( لینک ) ولیږی او د راجستر کولو ډاډ او کود به ستاسو ایمیل ته ورسیږی .
ښه دی چی تاسو پوه سی چی د ماشومانو لپاره ریکشا چیری او ځنګه تر لاسه کیږی . که تاسو د همدې بس او ټرین څخه ګټه اخلی نو دا ډول ریکشا به تاسو ته د مصرف پر ته په واک کی درکول سی. دا ریکشا تاسو د ماشومانو او یا اضافی توکو د وړلو لپاره کاورولای سی. د هغو بایسکلونو په اړه هم سهولتونه سته چی په ټرین کی یی لیږد ارزانه او اسانه دی. د دې ډول کراچیو ( ریکشا ) لیږد هم په ټرین او هم په بس کی د لږ کرایی په بدل کی تاسو ته ښه سهولت دی.
په دې ترانسپورت کی د سفر پر مهال د ځینو محدودیتونو او حتی جریمو سره مخامخ کیدای سی . دا ترانسپورت څانګړی څارونکی لری ، که د څارونی پر مهال تاسو د خپل سفر اسناد لکه د پیژندنی رښتینی کارتونه ، د سفر لپاره ټکیټ او نور ونه لری ، د جرمی سره مخامخ کیږی . د کورنیو حیواناتو د ملکیت سند ونه لری هم د جریمې سره مخامخکیدای سی،خو د اهلی حیواناتو لکه پیشی ، سپی،او د هغو ډولونه د کرایی پر ته لیږل کیږی خو دا ټکی ته باید باملرنه وسی چی دا حیوانات تړلی وی او نورو سفر کونکو ته د ستونزو لامیل نه سی. هغه چی واړه دی هغوی باید په ځانګړو سبدو کی وساتل سی.
د بګاژ په اړه دا ترانسپورت سهولتونه او محددیتونه لری. د بیلګی په توګه تاسو کولای سی چی ستاسو د توان تر بریده بکسونه او مالونه د ټکټ او کرایی پر ته در سره ولیږی ، خو ستاسو بکسونه او مالونه باید د ټرن او بس په دهلیزونو او سیټونوکی چی د نورو مسافرینو د تکلیف لامیل سی ، ځای پر ځای نه سی. د دروازو د پرانستلو او تړلو پر مهال باید مزاحمت ونه کړی. سګریټ څکول هم د بس د خرکت پر مهال منع او د ټرن د سفر پر مهال د ځانګړو ځایونو پر ته منعه دی.
د سفر لپاره د ځینو اسنادو لرل اړین دی هغه مسافرین چی هره ورځ د يوې سیمی بلی ته په یوه مسیر کی تله راتله لری هغوی ته د ځانګړو کارتونو د ورکولو شونتیا سته چی هم تخفیف لری او هم سهولت . هغه مسافرین چی د مسافرت مهالونه یی څرګند نه دی هغوی هم د تخفیف سونتیا لری هغوی باید (OV.Kortingskaart ( کورتینګ کارت ولری . هغه شمیر محصلین او متعلمین چی د همدې بس په مسیر کی د تلو را تلو اړتیا لری هغوی ته باید اوفې کارت ورکړل سی (OV studentenkaart )
د دې ترانسپورت په سهولتونو کی د ماشومانو او سپین زیرو لباره تخفیف په بام کی سته خو پر بالغ ځوان چی سن یی تر لسو کالونو زیات وی د یوه بشپړ مسافر کرایه اخستل کیږی. د سهولتونو نوری کټه ګوری د محصل ، متعلم ، دولتی کارکونکی ، د خصوصی ادارو کارکونکی عادی مسافرین او نوری په بیلا بیلو بڼو تخفیف تر لاسه کولای سی. د دې تر څنګ د سن او عمر په اړه هم د تخفیف شونتیاوی سته .
د ا ترانسپورتی شرکت د خپلو مشتریانو او سیلا نیانو لپاره د مهالونو سره سم د تخفیف کارتونه هم وړاندی کوی ، د رخصتیو پر مهال د د لنډی مودې لپاره دنویو کارتونو توزیع نه سی کیدلای ، خو د کالنی غضویت لپاره د تخفیف کارت د سیلا نیانو او عادی مسافرینو لپاره ګټور دی . دا شرکت ستاسو لباره هر دول اسانتیاوی برابروی . ( http://www.lanstrafikenkron.se/om-oss
