د سیلانیتوب سیاسی اغیزی
د دې سره - سره چی سیلانیتوب سیاسی حرکت او خوځښت نه دی ، خو د ټولنو تر منځ او په ټولنه کی د سیاسی ثبات د زمینه جوړونکی عامل په توګه منلې او ځانګړې اغیزه لری . دا اغیزه عمدتا دوه اړخیزه ده ، د یوه اړخه د عاید په زیاتولو کی ونډه لری چی د سیاسی ثبات لپاره مهم عنصر دی. همدا ډول د سیلانی میشتیدل په روانی برخه کی د سیاسی ثبات د شتون په مانا دی . د دوهم اړخ اغیزه په مخامخ او څنګزنه توګه د سیلانی د اصلی ټاټوبی او د سیلانی د لنډی مودې د ټاټوبی د وګړو تر منځ د سیاسی باور او یو پر بل د ډاډ عامل ګرځی .
د سیلانیتوب وده د سیاسی ثبات سره تړلی دی . څومره چی د سیاسی ثبات کچه لوړه وی په هغه تناسب د سیلانیتوب د ودی کچه لوړه وی ، خو دسیلانیتوب وده په خپل وار د سیاسی ثبات د پایښت زمینه برابروی. همدا لا میل دی چی د سیاسیونو په پلانونو او کاری اجنداو په خورا مهمه برخه کی ځای لر ی.د امریکایی نامتو ژورنالیست ویلیام دی پاترسون په باور : سیلانیتوب د نړیوال سیاسی ثبات د پیدایښت او پایښت په اړه اغیزمنه ونډه لری .په یو شمیر هغه هیوادونو کی چی د نظامیانو تر ګرټ لاندی دی او یا د ملیت پالو ځواکونوله لوری اداره کیږی هغه بیځایه ډار چی بهرنیو وګړو څخه یی لری ، په داسی حال کی چی د زیاتو ځواکمنو هیوادونوخاصتآ امریکا متحده ایالاتو تلاښ دا دی چی د سیلانیانو زیات شمیر خپلو هیوادونو ته را مات کړی.
د یو شمیر سیاسیونو په وینا سیلانیان د سولی سفیران دی ؛ د دې وینا سیاسی اړخ دا دی چی د هغو هیوادونو تر منڅ د سیلانیتوب اړیکی وده کوی چی سیاسیون یی یو او بل ته د لاسنیوی نیت ولری ، او د دې تر څنګ سیلانیان د سیمو د لیدلو پر مهال د خپلو خلکو او ولسونو هغه دود هم په پوهیدلی او یا نابوهیدلی توګه د څان سره را وړی چی په خپل هیواد کی یی ورته درنښت درلود. په دې ډول هغه سیاسی روحیه هم را لیږل کیږی چی د سیلانی په هیواد کی واکمنه ده . سیلانیان د هیوادونو د لیدلو پر مهال د بیلا بیلو رښتینو حالاتو سره مخ کیږی ، دا حالات د یوې محرکی انګیزې په توګه د خپل اصلی ټاټوبی وګړو ته را نقلوی او د بیلا بیلو تبصرو او عکسل عملونو سره مخامخ کیږی .
په نړیواله کچه د سیلانیتوب یو ه سیاسی اغیزه دا ده چی د نړی سیاسیون یی دې ته وهځول چی په ۱۹۶۷ میلادی کال د لومړی ځل لپاره یوه ورځ د سیلانیوتب لپاره په ځانګړی توګه ونمانځی او له هغې نمانځنی وروسته هر کال د سپتامبر ۲۹ نه ویشتمه ورځ د سیلانیتوب په نوم نماځل کیږی . دا ورځ د یو شمیر هیوادونو د وګړو لپاره د یوه ملی جشن په توګه نمانځل کیږی . د همدې صنعت د لا زیاتولو او وده ورکولو په نیت د زیات شمیر هیوادونو په سیاسی تشکیلاتو کی د ځانګړی وزارت او یا د وزارت د مرستیال په کچه مقام لری .
