د افغانستان يو شمير لرغوني جغرافيايې ټاټوبي  (   دوهمه برخه  )

                                            د اوستا په ونديداد کي ياد شوي شپاړس سيمي 

www.avesta.org

کوبها  : Kobha

کوبها يا اوسنۍ کابل  چي په ريګوېدا کي په همدې نوم ثبت دي ، کله نا کله د  ( Kabura   ) په نوم هم ياد شوئ ، چي ميشت وګړي يې د  ( Kabuliat  )  په نوم يادېدل .   د دې لرغونې سيمي نور نومونه  په اوستايې متونو کي  دويکراته  (  Vaekereta  )  او په يوناني ليکنو کي اورتسپانا  ( Ortospana  ) او په چيني ليکنو کي د کهوفهين  ( Khphen) په ډول راغلي دئ .  يو شمير مورخين په دې باور دي چي د کابل  نوم پر دې سيمه د کوشاني سلسلې ستر امپراتور کنشکا له خوا ايښودل شويدئ . ) ځلمئ : د کابل تاريخي جغرافيا او کلتور )

                                                             لرغونئ کوبها يا اوسنۍ کابل

بخدي : (Bakhdhi  )

بخدي  يا اوسنئ بلخ  د اوستا په ونديداد کي د هغوياد شويو شپاړس ګونو سيمو څخه دئ،  چي د اهورا مزدا په سپارښتنه په ښه شان پيدا شوئ او په ښکلو بيرغونو يې پسوللې دئ  .  دا سيمه د يونانيانو له خوا د باکتريا ، باکترا او باکتريان  په ډول  ثبت او ليکل شوېده . د اريا ئيانو لومړنئ ښار او د وريښمو د لاري يو نامتو مرکز  او د کوشانيانو لومړنئ پلازمينه شميرل کيږي . )  عبدالرحمن سديد : جغرافيايې  تاريخي بلخ )

                                             د لرغوني بخدي  يا باکتريا  جغرافيا يې موقعيت

 هيراوتي : Harahvaiti

هراوتي يا اوسنئ دهراوت  ، د اوستايې  شپاړس ګونو مځکو څخه يوه ښيرازه سيمه ده چي د هلمند سيند  او دهغه پر څانګو يې شنه لمن خپروه  .  دا سيمه په تاريخي متونو کي هم ياده شويده ، چي د زياتو پوهانو په باور دا لرغونې سيمه  د هلمند  او ارغنداب سيندونو تر منځ  واقع  وه  ، چي اوس يې د نوم څرک په پوره روښانتيا  په دهراوت کي لېدلای شو .  ( حبيبي : د افغانستان تاريخي جغرافيا )

                                        د لرغوني هيراوتي  يا دهراوت  جغرافيا يې موقعيت

نور بيا